Azərbaycan Dövlət Akademik Milli Dram Teatrı yeni teatr mövsümünü “Qarabağnamə” tamaşası ilə açıq elan edib.
Teatrın mətbuat xidmətindən verilən məlumata görə, Xalq yazıçısı, görkəmli dramaturq İlyas Əfəndiyevin “Hökmdar və qızı” əsəri əsasında hazırlanan tamaşanın rejissoru Xalq artisti Mərahim Fərzəlibəyov, quruluşçu rəssamı İsmayıl Məmmədovdur.
Tamaşanın nümayişindən əvvəl teatrın bədii rəhbər-direktoru, Xalq artisti Azər Paşa Nemətov çıxış edərək rəhbəri olduğu sənət ocağının uğurlarından və gələcək planlardan danışıb. O, bildirib ki, teatr ənənəvi olaraq hər il mövsümü “Qarabağnamə” ilə açıq elan edir: “Bu tamaşada bizim tariximiz öz əksini tapıb, ona görə də tarixi öyrənmək hər kəs üçün vacibdir. Ümid edirik ki, doğma Qarabağımız tezliklə işğaldan azad olunacaq və bu tamaşa oradakı teatrlarda səhnəyə qoyulacaq”.
Dövlət başçısının Azərbaycan mədəniyyəti və incəsənətinə göstərdiyi diqqət və qayğıdan danışan sənət ocağının rəhbəri vurğulayıb ki, oktyabrda Akademik Milli Dram Teatrının 100 illiyi qeyd ediləcək. Azər Paşa Nemətov kollektivi və tamaşaçıları yeni mövsümün başlanması münasibətilə təbrik edib, yeni-yeni nailiyyətlər arzulayıb.
Sonra tamaşa nümayiş olunub.
Tamaşada rolları Xalq artistləri Firəngiz Mütəllimova, Rafiq Əzimov, Səidə Quliyeva, Hacı İsmayılov, Ramiz Məlik, Əjdər Həmidov, Sabir Məmmədov, Əməkdar artistlər Kazım Abdullayev, Elxan Quliyev, Əli Nurzadə, Məsmə Aslanqızı, Kazım Həsənquliyev, Aslan Şirin, Mirzə Ağabəyli, Rövşən Kərimduxt, Pərviz Bağırov, Elşən Cəbrayılov, Anar Heybətov, aktyorlar Əminə Babayeva, Şəhla Əliqızı, Rəşad Bəxtiyarov, Elnar Qarayev, Ləman İmanova, Elnur Qədirov, Rada Nəsibova ifa edir.
Səhnə əsərində XVIII əsrdə Qarabağ xanlığının mərkəzi olan Şuşada baş vermiş tarixi hadisələrdən və Qarabağ hökmdarı İbrahim xanın ictimai-siyasi, ailə-məişət həyatından bəhs edir.
O dövrdə xanlıqlara bölünmüş Azərbaycana yiyələnmək istəyən Rusiya və İranla siyasi əlaqələri və dostluq münasibətlərini bərqərar etməyə çalışan İbrahim xan erməni fitnəkarlığının qurbanı olur.
Oxşar yazılar
Dramaturq İsmayıl İmanın müasir gənclərin problemləri haqqında yazdığı pyes teatr tənqidçisi Pavel Rudnev tərəfindən bəyənilib.
Məşhur rus teatrşünas, art-menecer, sənətşünaslıq elmləri namizədi Pavel Rudnev azərbaycanl...
8-12 aprel tarixlərində S.A.Qerasimov adına Ümumrusiya Dövlət Kinematoqrafiya İnstitutunun (ВГИК) rektoru, Mədəniyyət və İncəsənət Tədris Müəssisələri Assosiasiyasının prezidenti, Rusiya Federasiyasının Əməkdar mədəniyyət işçisi, Rusiya Təhsil Akadem...
LEVENT SUNER
(ixtisarla)
Aktyorun, səsininin sərbəstliyini əsərə tətbiq etmə məcburiyyətində qaldığı ikinci mərhələdə iş daha kompleks hala gətirilir. Bir çox aktyor öz bədəninin ona təqdim edə biləcəyi imkanları məhdudlaşdıraraq, h...
Oktyabrın 29-da saat 19:00-da Akademik Milli Dram Teatrına dövlət statusu verilməsinin 100 illiyi münasibəti ilə təntənəli tədbir keçiriləcək. Teatrın mətbuat xidmətindən verilən məlumata görə, tədbirdə dövlət və hökumət rəsmiləri, ictimaiyyət nümayə...
Bu günlərdə İsveç Krallığının Stokholm şəhərində Azərbaycan İsveç Dram Teatrı "Tumurcuq" 1 yaşını öz kollektivi ilə bərabər qeyd edib. Bu münasibətlə teatrın kollektivi ilə keçirilən görüşdə teatrın bədii rəhbəri və rejissoru Sevinc Nəzərli bildirib ...
Bu gün, aprelin 4-ü görkəmli teatrşünas alim, sənətşünaslıq doktoru, professor, Azərbaycan Milli Elmlər Akademiyasının müxbir üzvü İnqilab Kərimovun doğum günüdür.
İnqilab Saleh oğlu Kərimov (...
Bu il 20-29 Mart tarixlərində keçirilməsi nəzərdə tutulan VII Frankfurt Türk Teatr Festivalı Avropa ölkələrində COVİD-19 virusunun yayılması səbəbindən 5 – 15 İyun tarixinə keçirilib.Frankfurt Teatrından verilən məlumata görə, Türkiyənin Frankf...
Teatr sənəti incəsənətin digər növləri ilə müqayisədə həmişə dövrə, sosial-iqtisadi, siyasi-ictimai proseslərə daha həssas olur. Dövr dəyişdikcə teatr sənətinin formaları, məzmunu, onun üzərinə düşən funksiya və tələblər...
Teatr aktyoru, nə qədər böyük səslənsə də, əsl sənət fədaisidir. Hələ onun çalışdığı dönəmlərin teatrda maaşların az olduğu, çətin məşəqqətli illərə təsadüf etməyini də nəzərə alsaq, fədai sözünü...
İncəsənətin hələ istifadə olunmamış imkanlarının dərkini XX əsrin intellektual macərası adlandırmaq olar. Burada biz incəsənətin öz strukturunu və hətta öz funksiyasını dəyişməsinə çalışmasını nəzərdə tuturuq. Bütün incəsən...