Azərbaycan Dövlət Mədəniyyət və İncəsənət Universitetində 3 kurs Teatrşünaslıq ixtisası üzrə təhsil alan tələbələrin “Layihənin təqdimat mədəniyyəti” fənni çərçivəsində hazırladıqları layihələrin təqdimatı keçirilib.

Layihələr, fənn müəllimi, sənətşünaslıq üzrə fəlsəfə doktoru Elçin Cəfərovun rəhbərliyi altında hazırlanıb. Tələbələrdən Zeynalova Səbinə “Teatrı uşaqlara bağışlayaq”,  Hüseynzadə Leyla, Orucova Milana, Mustafazdə Fərqanə və Yusifova İlahə “İncəsənətdə bir gün”, Əsədova Nigar və Abdullayev Rəvan “Axundzadə diyarındakı yadigar”, Qənbərova Arzu “Karandaşla qeydlər: Teatr”,  Ağayev Səbuhi, Quluzadə Miriş və Babayev İdris “İntihara 5 dəqiqə qalmış”, Salmanlı Ayşə, Haşımova Məleykə, Əzimova Türkanə, Həmzəyeva Fəridə, Əhmədova Zeynəb və Qurbanov Fəhmin “Sənət korifeyləri”,  Məhərrəmli Kamran “Teatr tarixi” adlı layihələrini təqdim ediblər.  Tədbirdə ADMİU-nun Teatr sənəti fakültəsinin dekanı dosent E.Hüseynova, Teatrşünaslıq kafedrasının müdiri professor A.Talıbzadə, kafedranın müəllimləri sənətşünaslıq doktoru, professor M.Əlizadə, sənətşünaslıq doktoru, professor İ.İsrafilov, dosent V.Qafarov, dosent F.Cəlilova,  T.Rəsulov, Tədis şöbəsinin müdiri N.Əsədov, professor K.Dadaşzadə, dosent G.Məmmədova, Əməkdar artist, dosent Y.Paşayeva və başqaları iştirak edib.