TEATRO

TEATRO

sənət portalı

post-title

ADMİU-nun dosenti Elçin Cəfərov “Creative Producers” layihəsində iştirak edir

Azərbaycan Dövlət Mədəniyyət və İncəsənət Universitetinin Keyfiyyət təminatı və strateji planlama departamentinin müdir müavini, Teatrşünaslıq kafedrasının dosenti Elçin Cəfərov British Council (Britaniya şurası) tərəfindən həyata keçirilən “Creative Producers” layihəsində iştirak edib.

İncəsənət sahəsində yeni layihələri, komandaları və kreativ sənayeni beynəlxalq səviyyədə dəstəkləmək, birgə layihələrin həyata keçirilməsini stimullaşdırmaq məqsədi ilə həyata keçirilən proqramda Azərbaycanla yanaşı Türkiyə, Kosova, Serbiya, Bosniya və Hersoqovina, Ukrayna, Makedoniya, Qazaxıstan, Albaniya, Monteneqro, Gürcüstan və Özbəkistandan da nümayəndələr iştirak edib.

Teatrşünas Elçin Cəfərovun müsabiqəyə təqdim etdiyi “Katalizator” ArtHub layihəsi növbəti mərhələdə iştirak üçün seçilib.

Layihənin birinci mərhələsində təqdim olunan layihələr arasından proqramın mahiyyətinə müvafiq pespektivli layihələr seçilib və iştirakçılar üçün 5 günlük onlayn proqram təşkil edilib. Növbəti mərhələdə - 5-10 mart tarixlərində layihə iştirakçıları Serbiyanın paytaxtı Belqrad şəhərində 5 günlük təlimlərə qatılıblar.

İştirakçılar təlimlərlə yanaşı bir sıra görüşlərdə və incəsənət tədbirlərində iştirak ediblər. Layihə iştirakçılarının Serbiyanın Baş nazirinin müşaviri, “Serbia Creates” milli brend platformasının koordinatoru Martin Kuffla, Belqrad Gənclər Evinin (Dom Omladine) əməkdaşı, regionun ən böyük musiqi festivallarından olan Belqrad Caz Festivalının proqram meneceri Draqan Ambroziçlə və British Council-un Serbiya və Türkiyə bölmələrinin nümayəndələri ilə görüşləri təşkil edilib. 

Layihənin növbəti mərhələsi Londonda baş tutacaq.  

Load Time (S) : 0.004468