TEATRO

TEATRO

sənət portalı

post-title

ADMİU-da Q.Zaslavskinin ustad dərsi keçirilib

Azərbaycan Dövlət Mədəniyyət və İncəsənət Universitetində Teatrşünaslıq kafedrasının təşkilatçılığı ilə Moskva Dövlət Teatr Sənəti İnstitutunun (QİTİS) rektoru, professor Qriqori Zaslavskinin ustad dərsi keçirilib. 

Ustad dərsinə Teatr sənəti fakültəsinin Teatrşünaslıq və Aktyorluq ixtisası üzrə təhsil alan tələbələri qatılıb. Görüşdə tələbələrlə yanaşı, Teatrşünaslıq kafedrasının müdiri, professor Aydın Talıbzadə, kafedranın professor-müəllim heyəti - dosent Vidadi Qafarov, dosent Elçin Cəfərov, baş müəllim Lalə Səlimova, müəllimlər Tərlan Rəsulov, Sənubər Həşimova, eləcə də Sabah qruplarının müəllimi Xalq artisti Mehriban Zəki, Keyfiyyət təminatı və strateji planlama departamentinin mütəxəssisi Əli Hacılı iştirak edib.  
  
Qriqori Zaslavski ustad dərsi zamanı dünyada və gedən müasir teatr axtarışlarından, modern teatra olan münasibətindən, hazırda Rusiyada yaşanmaqda olan teatr proseslərindən bəhs edib. Diskussiya formasında baş tutan ustad dərsi yaddaqalan və maraqlı keçib. Tədbirin sonunda Q.Zaslavski tələbələrin suallarını cavablandırıb.

Load Time (S) : 0.004937