Sumqayıt Dövlət Dram Teatrında yeni layihə

Sumqayıt Dövlət Dram Teatrında yeni səhnə əsərinin hazırlanmasına start verilmişdir. Ölkə başçısı İlham Əliyevin müvafiq sərəncamı əsasında bu ilin noyabr ayında Sumqayıt şəhərinin 70 illik yubileyi təntənəli şəkildə qeyd olunacaqdır.

Sumayıt Dövlət Dram Teatrı da şəhərin önəmli bayramına öz yaradıcılıq töhfəsini verməyə hazırlaşır.

İdeya müəllifi və layihə rəhbəri – teatrın direktoru əməkdar artist Mübariz Həmidovun təşəbbüsü ilə tanınmış dramaturq, Əməkdar incəsənət xadimi Əli Əmirli Sumqayıtın tarixi, mədəni-sosial, iqtisadi inkişaf mənzərəsini əks etdirən yeni pyes yazıb. Müəllif, öz qəhrəmanlarını əfsanə və rəvayətlər aləmindən günümüzə gətirir, insan zəkası və zəhməti ilə gerçəkləşən möcüzəyə qovuşdurur. Xalq artisti F.Məhərrəmovun quruluş verdiyi səhnə əsərinin hazırlıq işlərinə artıq başlanılmışdır. Tamaşanın tərtibatı rəssam Elşən Sərxanoğluya məxsusdur. Rolları əməkdar artistlər Fəranə Musayeva, Növrəstə Həşimova, Sədaqət Nuriyeva, İlahə Səfərova, Cəlal Məmmədov, Xatirə Süleymanova, aktyorlar Kamran Muradlı, Elay Xasiyev, İlahə Səfərova, Aynur Hümmətova, Şəmistan Süleymanlı, Yeganə Məmmədvəliyeva, Vəfa Qurbanova, Şəms Abdullayeva, Sevda Hüseynova, Mətanət Əmirullayeva, İlqar İbrahimov və Akif Mirzəyev canlandırır.

Yeni tamaşanın təhvil verilməsi may ayının 15-də nəzərdə tutulmuşdur. Daha sonrakı aylarda şəhərin möhtəşəm yubiley tədbirləri çərçivəsində “Sevgilim Sumqayıt” tamaşaçılara təqdim olunacaqdır.

- Advertisement -

BIR CAVAB BURAXIN

şərhinizi daxil edin!
Buraya adınızı daxil edin

Read More

Sumqayıt Dövlət Dram Teatrında Novruz bayramı

Sumqayıt Dövlət Dram Teatrı  əlamətdar günlərlə zəngin  mart ayında repertuarına da müxtəlif yaş kontingentini əhatə edən tamaşalar əlavə etdi. V.Səmədoğlu “Mamoy kişinin yuxuları”, K.Nəzirli...

Məleykə Məmmədova – Ağıllı adamlar və axmaq ümidlər

(Rejissor Mehriban Ələkbərzadınin “Müəmmalı qətlin üç versiyası” tamaşası haqqında düşüncələr...) Yapon ədəbiyyatının son klassiklərindən sayılan Akutaqava Rünoske yazır: “Ola bilməz ki, bizim ruhumuz, mənəviyyatımız əsərlərimizdə...

Akademik Musiqili Teatrda mükafatlandırma mərasimi olub

Azərbaycan Dövlət Akademik Musiqili Teatrının 109-cu mövsümü başa çatmaq üzrədir. Bu münasibətlə 4 iyul tarixində teatrda təntənəli mükafatlandırma mərasimi keçirilib. Qeyd edək ki, kollektivdə...

Recent

Paytaxt teatrlarının həftəlik repertuarı (1-7 iyun)

Azərbaycan Dövlət Akademik Milli Dram Teatrı  1 iyun Xalq nağılı “Biri var idi, biri yox” saat 12:00 K.Abdulla “Bir, iki bizimki…” saat 19:00 2 iyun M.Qavran “Qəribə, çox qəribə...

“Tanış olun, dostum Bəkkar”

Mayın 14-də Azərbaycan Dövlət Gənc Tamaşaçılar Teatrında F.Köçərli adına Respublika Uşaq Kitabxanasının və 3 nömrəli Uşaq-Gənclər İnkişaf Mərkəzinin birgə hazırladıqları “Tanış olun, dostum Bəkkar”...

İranlı rejissor Lənkəran Dövlət Dram Teatrında “Sinemarın qətli” tamaşasını hazırlayır

Lənkəran Dövlət Dram Teatrında yeni tamaşanın məşqlərinə başlanılıb. AZƏRTAC-ın bölgə müxbiri xəbər verir ki, İran İslam Respublikasının Ərdəbil şəhərindən dəvət olunmuş rejissor Qərib Mənuçöhri teatrın...