ADMİU-da ÜDKİ məzunları ilə görüş keçirilib

8-12 aprel tarixlərində S.A.Qerasimov adına Ümumrusiya Dövlət Kinematoqrafiya İnstitutunun (ВГИК) rektoru, Mədəniyyət və İncəsənət Tədris Müəssisələri Assosiasiyasının prezidenti, Rusiya Federasiyasının Əməkdar mədəniyyət işçisi, Rusiya Təhsil Akademiyasının akademiki, professor Vladimir Malışevin rəhbərlik etdiyi professor, müəllim və tələbələrdən ibarət 40 nəfərlik nümayəndə heyətinin Azərbaycan səfəri gerçəkləşir.

8 aprel tarixində Azərbaycan Dövlət Mədəniyyət və İncəsənət Universitetinin Elmi Şura otağında ÜDKİ-nin nümayəndə heyətinin Azərbaycanlı məzunlarla görüşü olub. Görüşdə ÜDKİ-nin V.Arxipov, A.Zakirov, İ.Klebanov, V.Menşov, E.Rusinova, V.Fokin, V.Xotinenko, T.Yakovleva, Y.Yaromenko kimi məşhur pedaqoqları və İnstitutun Azərbaycanlı məzunları iştirak edib.

Tədbiri açan ADMİU-nun rektoru professor C.Mahmudova qonaqları salamlayıb və Ümumrusiya Dövlət Kinematoqrafiya İnstitutunun MDB məkanına daxil olan ölkələrin, o cümlədən Azərbaycan mədəniyyətindən ötrü əhəmiyyətini vurğulayıb. Rektor qeyd edib ki, ÜDKİ kino sahəsində peşəkar kadrlar yetişdirən dünya səviyyəli ali təhsil müəssisəsidir. Bu təhsil ocağının kino sənətinə verdiyi töhfələr ölçüyə gəlməzdir. ÜDKİ Azərbaycan kinosunun inkişafında da mühüm rol oynayıb. Tofiq Tağızadə, Həsən Seyidbəyli, Şamil Mahmudbəyov, Rasim Ocaqov, Hüseyn Seyidzadə, Əjdər İbrahimov kimi rejissorlar, Əlisəttar Atakişiyev, Arif Nərimanbəyov, Xan Babayev, Teyyub Axundov kimi operatorlar, eləcə də, Yevgeni Metveevin, Aleksey Batalovun kursunda təhsil alan aktyorlar, eləcə də bu gün bu zala toplaşan məzunlar Azərbaycan kinematoqrafiyasına böyük töhfələr verib.

Sonra ÜDKİ-nin rektoru professor V.Malışev çıxış edərək, rəhbərlik etdiyi ali təhsil ocağının 100 illik tarixindən danışıb. Daha sonra ÜDKİ-nin 100 illiyinə həsr olunmuş qısametrajlı film nümayiş olunub. Tədbir iştirakçılarına V.Malışevin tərtib etdiyi “Azərbaycan kinematoqrafı və ÜDKİ” adlı broşür paylanıb.

Tədbirdə çıxış edən Azərbaycanlı məzunlar doğma təhsil ocaqları haqqında xoş xatirələrini danışıblar. Görüşdə iştirak edən görkəmli kino rejissoru, Professional Kinorejissorlar Gildiyasının prezidenti Eldar Quliyev bildirib: “Bu görüşdə mən yəqin ki, ÜDKİ məzunlarının ən yaşlılarındanam. Biz bir zamanlar Vladimir Menşovla birlikdə bu təhsil ocağında qəbul olmuşuq. ÜDKİ yalnız təhsil müəssisəsi deyil, həyat fəlsəfəsidir. Bizim nəslə mənsub ÜDKİ məzunlarının ikiqat bəxti gətirib. Təsəvvür edin ki, biz ən yaxşılardan, Rusiya kinematoqrafının tarixi olan insanlardan dərs almışıq. O zamanlar ÜDKİ-nin dəhlizlərində Aleksandra Xoxlova, Lev Kuleşov, Anatoli Qalovnya, Tamara Lobova, Gennadi Myasknikov, Mixail Boqdanov, Mixail Romm, Efim Dziqan gəzirdi. Bu böyük şəxsiyyətlərdən, görkəmli sənətkarlardan öyrənmək şərəfdir.

Azərbaycanın Xalq artisti, görkəmli rejissor və ssenarist Oktay Mir-Qasım da doğma məktəbini sevgi və nostalji hissləri ilə xatırlayıb: «Mən həyatımı iki hissəyə bölürəm: ÜDKİ-də təhsil aldığım dövr və yerdə qalan bütün həyatım. Mənim üçün ÜDKİ mütləq xoşbəxtliyin simvoludur. Bütün ömür boyu yetəcək müsbət enerji və xoşbəxtlik bəxş edən mistik məkandır. 1965-ci ildə mənə ÜDKİ festivalının qran-prisini qazanmaq nəsib oldu və bu, mənim üçün çox böyük hadisə idi. Doğma məktəbimdən xatirə qalan hədiyyə bu gün də evimdəki kolleksiyamı bəzəyir. Bizim ailədə iki ÜDKİ məzunu var. Qızım Ayan da bu ali məktəbin yetirməsidir”.

Azərbaycanın Əməkdar incəsənət xadimi, kinorejissor Ayaz Salayev də Moskvadakı tələbəlik illərini ömrünün ən gözəl dövrü kimi nostalji ilə xatırlayıb: “Bir nəfər də olsun, ÜDKİ məzunu tanımıram ki, müəlliminin ölümünü öz şəxsi dərdi və itkisi hesab etməsin. Mən 1977-1982-ci illərdə ÜDKİ-də oxumuşam. Sergey Bondarçuk, Sergey Qerasimov, Anatoli Qolovnya, Aleksandr Xoxlov kimi sənətkarları görmüşəm. ÜDKİ peşə vərdişlərimlə, bilgilərimlə yanaşı, həm də dünyagörüşümü formalaşdırıb, mənə sənətkar ruhu qazandırıb”.

V.Menşov qeyd edib ki, Bakı onun doğulduğu və böyüdüyü doğma şəhərdir. “Dünən dostum Vaqif Mustafayevlə birgə bir zamanlar Bakıda yaşadığım yerləri gəzdik. Bakı qeyri-adi şəhərdir. Bura ilə bağlı çoxlu xoş xatirələrim var. Bu şəhərdə mənim çoxlu dostlarım, yoldaşlarım yaşayır. Onlardan biri də Eldar Quliyevdir. Yaxşı xatırlayıram, 1958-ci ildə bizim taleyimiz həll olundu. Biz İnstitutun yataqxanasında birlikdə yaşayırdıq. Gecə boyu tələbələrin mübahisələrini dinləyirdik. Biz bu mübahisələri dinləyə-dinləyə anladıq ki, yaradıcılıq prosesində qalmaq istəyirik. Məhz onda həmişəlik anladım ki, VQİK mənim həyatımdır və mən bu həyata tam dalmayınca, ordan getməyəcəm”.

Tədbirin sonunda V.Malışev səmimi qəbula görə ADMİU-nun rektoru professor C.Mahmudovaya təşəkkür edib və ÜDKİ-nin Azərbaycanlı məzunları ilə görüşdən çox təsirləndiyini bildirib.

- Advertisement -

BIR CAVAB BURAXIN

şərhinizi daxil edin!
Buraya adınızı daxil edin

Read More

IX “START” Film Festivalının qalibləri açıqlanıb

Noyabrın 17-də Beynəlxalq Muğam Mərkəzində IX “START” Beynəlxalq Qısa Filmlər Festivalının bağlanış mərasimi olub. Festival Azərbaycan Respublikası Prezidentinin “Azərbaycan kinosunun 120 illiyinin qeyd edilməsi haqqında”...

Aydın Talıbzadə – “MONA LİZA” İLƏ SELFİ

Ontologiyanın əsas kateqoriyası varlıq kateqoriyasıdır. Teatr fəlsəfəsi teatrla varlığı eyni bir zəncirdə götürüb ontoloji kontekstdə teatrın mahiyyətini öyrənir, teatra spesifik təfəkkür-təqdimat üsulu, qeyri-verbal obrazların...

3-cü M.A.P Beynəlxalq Teatr Festivalı başlayır

Teatro.az III M.A.P Teatr Festivalının proqramını təqdim edir. 1-3 sentyabr Vaxtanqov Teatrı - “Yevgeni Onegin” saat 19:00 Azərbaycan Dövlət Akademik Musiqili Teatrı 3 sentyabr Vaxtanqov Teatrı - “Lanqustun harayı”...

Recent

Mikayıl Mikayılov: “Azərbaycan Teatrının tarixində müəyyən işlər etməyin vaxtı çatıb”

Mikayıl Mikayılov Azərbaycanın istedadlı, bacarıqlı gənc rejissorlarındandır. Onun quruluş verdiyi biri-birindən maraqlı tamaşalar teatrsevərlərin xatirində yaxşı qalıb. Uzun illər Novosibirskdə çalışan Mikayıl Mikayılov bir aydır...

Sumqayıt Dövlət Dram Teatrında növbəti premyera

Sumqayıt Dövlət Dram Teatrında Vaqif Səmədoğlunun “Mamoy kişinin yuxuları” əsərinin premyerası keçirildi. 50 yaşlı kollektiv illər öncəsində də Vaqif Səmədoğlunun dramaturgiyasına müraciət etmişdi. Müəllifin...

Aydın Talıbzadə – “Tanrının nuru, yoxsa iblisin alovu?

Düşüncə fraqmentləri Ştatlarda yaşayan emiqrant kinorejissor Miloş Formanın bir filmi var “Amadeus”; 1985-ci ildə 8 “Oskar” almışdı müxtəlif nominasiyalarda: sonra isə dünyanın “A” kateqoriyalı ən...