ADMİU-da “Danabaşlar” tamaşası nümayiş olunub

Azərbaycan Dövlət Mədəniyyət və İncəsənət Universitetində C.Məmmədquluzadənin əsərləri əsasında hazırlanmış “Danabaşlar” tamaşası nümayiş olunub. Tamaşada Teatr sənəti fakültəsində Dram teatrı və kino aktyoru ixtisası üzrə təhsil alan III kurs tələbələri çıxış edib.

Tamaşanın quruluşçu rejissoru kurs rəhbəri Əməkdar artist Yaqut Paşazadə, səhnələşdirmənin müəllifi Mir Sahib Ağazadə, kursun səhnə danışığı müəllimi dosent Nadir Hüseynovdur.

Səhnə əsərində Əlirza Kənani (Mirzə/Uçitel), Tunar Əlizadə (Xudayar bəy), Ər Toğrul Kamalov, Fərid Bağırov (Qazı), Romən Hüseynov (Kefli İsgəndər),  Asim Mərdanov (Vəli bəy/Kəblə Mirzalı), Elnur Tağıyev (Vəli bəy/Kəblə Fətəli), Fərid Abbasov (Nəçənnik/Poçtalyon), Aksana İskəndərova (Madmazel /Fatmanisə /Səbzalı), Çimnaz Bağırova (Məmmədhəsənin arvadı/Mustafa), Rəhimə Abdinova (Əhməd/Gülpəri), Səbinə Məmmədova (Şaban nənə/Səkinə) və Ayan Məmmədova (Əsəd) çıxış edir. Janrı “qəmli komediya” kimi təyin olunan tamaşa mütəxəssislər və tamaşaçılar tərəfindən maraqla qarşılanıb.

Nümayişdən sonra  ADMİU-nun rektoru professor Ceyran Mahmudova, Elm və Yaradıcılıq işləri üzrə prorektor, professor Məryəm Əlizadə, Teatr sənəti fakültəsinin dekanı dosent Ellada Hüseynova, Dram teatrı və kino aktyoru kafedrasının müdiri professor Gülşad Baxşıyeva, Xalq artisti Məmmədsəfa Qasımov, professor Fikrət Sultanov, dosent Fikrət Məlikov, dosent Nadir Hüseynov, baş müəllim Əlizaman Mirzəyev və digər müəllimlərin iştirakı ilə keçirilən müzakirədə tələbə-aktyorların ifaları təhlil olunub.

“Kaspi” qəzetinin “Teatr” əlavəsinə danışan qrupun kurs rəhbəri, Əməkdar artist Yaqut Paşazadə qeyd edib ki, “Danabaşlar” tamaşası universitet tələbələri uçun aktyor oyunu nümayiş etdirməklə yanaşı, həm də cəmiyyətimizdə rast gələn nöqsanları insan kimi anlamaq, tamaşaçıya ötürmək bacarığına yiyələnmək baxımından böyük bir təcrübədir. Tələbə-aktyorların “Danabaşlar” tamaşasında bir neçə fərqli obrazı ifa etməsi onların çevik düşüncəyə və başqalaşma bacarığına yiyələnməsinə kömək edir. Nəzərə alsaq ki, Mirzə Cəlil dramaturgiyası hər dövrun güzgüsüdür, onda “Danabaşlar” tamaşası gənclərin, sadəcə, aktyor bacarıqlarını inkişaf etdirmək üçün deyil, həm də insan olaraq cəmiyyətdə düzgün mövqe tutmaları ücün bir tərbiyə vasitəsidir. Çünki ADMİU-da biz gələcəyin böyük sənətkarları ilə yanaşı, həm də düşüncəli və mənəviyyatlı insanların formalaşmasına çalışırıq.

Səhnələşdirmənin müəllifi Mir Sahib Ağazadə bildirib ki, tamaşa Cəlil Məmmədquluzadənin “Danabaş kəndinin əhvalatları”, “Danabaş kəndinin məktəbi”, “Poçt qutusu” əsərləri və bir neçə felyetonun səhnələşdirməsi əsasında hazırlanıb. Səhnənin ortasında üzərində qara örtü ilə örtülən kitab isə müəllifin “Anamın kitabı” əsərini simvolizə edir.

“Çox təəssüf ki, müəllifin bu əsərləri və bu əsərlər əsasında hazırlanan səhnələşdirmə bu gün də öz aktuallığını saxlayır. Belə ki, Mirzə Cəlildən bu yana novruzəlilərin avamlığını, kor-koranə itaətini, məmmədhəsənlərin mövhumatını, xudayarların zülm-istismarını, qazilərin, şeyx nəsrullahların uydurma fitvalarla avtoritetini saxlamasını, şəriəti rəzilliklərinə vasitə etməsini  inkişaf etmiş, müasir  texnolojgiyalara yiyələnən orta stasistik azərbaycanlının həyatında hələ də görmək olar. Tamaşa qəmli komediya janrında hazırlanıb. Bu  janr təyinini  Mirzə Cəlilin bütün yaradıcılığına şamil etmək olar. Çünki ömrünün sonuna qədər qələmi iztehzalı, gözü isə yaşlı olan Mirzə Cəlil son günlərini də tragikomik bir vəziyyətdə, əlyazmalarını sobada yandırıb istisinə qızınaraq keçirib”.

- Advertisement -

BIR CAVAB BURAXIN

şərhinizi daxil edin!
Buraya adınızı daxil edin

Read More

“Tıq-tıq xanımın Saxta babası” (R)

Dövlət Təhlükəsizliyi Xidmətinin Mədəniyyət Mərkəzi yeni "Tıq-tıq xanımın Saxta babası" adlı tamaşasını təqdim edir. Bu yeni ildə siz tam başqa Tıq-tıq xanımı görəcəksiniz. Öz...

İlham Əsgərovun xatirə gecəsi

Oktyabrın 11-də Akademik Milli Dram Teatrında Xalq artisti İlham Əsgərovun anadan olmasının 60 illiyinə həsr olunan tədbir keçirilib. Xatirə gecəsi Mədəniyyət Nazirliyi, Azərbaycan Teatr...

“Birpərdəli pyeslər” müsabiqəsinin qalibləri mükafatlandırıldı

Aprelin 30-da Azərbaycan Dövlət Gənc Tamaşaçılar Teatrında Mədəniyyət Nazirliyi tərəfindən elan olunan “Birpərdəli pyeslər” müsabiqəsi qaliblərinin mükafatlandırma mərasimi keçirilib. Tədbirdə çıxış edən mədəniyyət nazirinin birinci...

Recent

Elçin Cəfərov – Teatr olmasa, dünyada nəsə dəyişərmi?

Sual qətiyyən ritorik deyil. Qiyamət gününün ağırlığı sallanır bu sualdan. Günümüzün insanı üçün nə dərəcədə maraqlı olduğunu bilmirəm, amma teatr həyatındakı durğunluq məni bu...

Gənc Tamaşaçılar Teatrı “Əlif” Beynəlxalq Festivalına qatılacaq

Azərbaycan Dövlət Gənc Tamaşaçılar Teatrı 20-24 noyabr tarixlərində İranın Təbriz şəhərində keçiriləcək "Əlif" beynəlxalq teatr festivalında "Dəlinin qeydləri" mono tamaşasıyla təmsil olunacaq. Tamaşa 21-22...

Azərbaycanlı balerina Polşa teatrında çıxış edib

Varşava Böyük Teatrı və Milli Operasında (Teatr Wielki – Opera Narodowa) Aleksandr Dümanın “Kameliyalı qadın” adlı romanı və görkəmli polyak bəstəkarı F.Şopenin musiqisi əsasında...