Teatro

yüklənir...

TEATRO

TEATRO

sənət portalı

post-title

“Kadıköy Theatron” Bağlanmasın

Teatro.az sənət portalı türkiyəli köşə yazarı Nuray Büyükdağın T 24 internet qəzetində yayımlanan məqaləsini təqdim edir. 

 

Bu ölkədə qədimdən bəri hər kəs sənəti də, sənətkarı da sevir! İstər uzaqdan, istər məclis kürsüsündən, istərsə də ən yüksək məqamlardan sənət və sənətkarlar hər zaman sevilir. Sənəti və sənətkarı sevmək bizdən həmişə yüksəkdən seyr edib, məsafəni təyin etməyimizi tələb edir. Buraya sənətçilər üçün verilən qərarlar da daxildir.

Əlbəttə, yuxarıların nəzərində sevimli olmaq üçün bəzi qaydaları yerinə yetirmək şərtdir. Dövlət öz dəstəyi müqabilində xoşagələn açıqlamalar verməyi və xoşagələn mövqedə durmağı tələb edir. Hər dövrdə bu mexanizmə uyğunlaşan sənətkarlarla yanaşı, buna uymayan "təcrid olunmuş" sənətçilər də olub və olmağa da davam edəcək.

Təəssüf ki, bu mexanizmə uymayan və aylardır pandemiya və işsizliklə mübarizə aparan sənətkarların intihar xəbərlərini alırıq. Bir neçə gün əvvəl qəzetlərdən Bəyoğlundakı məkanların birində səhnəyə çıxan, aylardır işsiz qalan Duran Ayın dolanışıq çətinliyi ucbatından intihar etdiyini oxuduq.

Yenə bu günlərdə  hökumətdən  sənətçilərə 1000 lirə dəstək açıqlaması gəldi. Bu dəstək kiçik yaşlarımda şahid olduğum bir halı - məhəllədə Cəmilə xalanın qurban əti paylamasını yadıma saldı. Bu Cəmilə xala məhəllənin varlı ailələrindən idi. Heç kim “varlıdır, qurban kəsmədi” deməsin deyə məcbur qalıb qurban kəsərdi. Əlbəttə, heyvanları sevdiyindən yox! Qurban ətimi paylayırdı, ya da quyruq yağına az batırılmış ətmi anlamazdıq... Bütün günü alnında kəsdiyi qurbanın qanı ilə gəzərdi.

Sənətin də sənətçinin də uzaqdan belə sevilmədiyi aşkarkən bu saxta qayğı, əlaqə, həssaslıq nə üçündür? Bu qanqrenə çevrilmiş bir münasibətdir. Əslində, olmur, sevə bilmirik deyilsə, hamı rahatlaşacaq.

Yerinə yetirilməyən vədlərdən, uzun və nəticəsiz danışıqlardan ümidini kəsən teatrlar, aktyorlar həyatda və ayaq üstə qalmaq üçün kampaniyalar təşkil edirlər. Bunlardan biri də teatr salonlarını itirmək təhlükəsi ilə üzləşən , bunun üçün fongogo-da kampaniya keçirərək tamaşaçıların dəstəyini gözləyən, “Kadıköy Theatron”dur. 

Pandemiyanın yaratdığı bəlaları bir-birimizə dəstək verərək aradan qaldırmağa çalışırıq. Bu günlərdə bizi ayaq üstə saxlayan da, yəqin ki, elə budur. 

Həmrəylik hamımız üçün faydalı olacaq ...

Kadıköy Theatron:

“Onsuz da, sağ qalmaq kimi təvazökar bir hədəflə çalışan özəl teatr səhnələri, indilərdə bir-birinin ardınca bağlanır və ya bağlanma təhlükəsi ilə üzləşirlər. Kadıköy Theatron da bunlardan biridir. 

“6 ildir açıq saxlamağa çalışdığımız “Kadıköy Theatron” Yel Dəyirmanındakı yeni məkanıyla birlikdə, fərqli komandaların bir araya gəldiyi bir kollektiv qurmaq xəyalı ilə yola çıxmışdı.

Bir mövsüm  boyunca bu xəyalımızı gerçəkləşdirdik. Və Teatr Kastı, Olası İşler, İlyas Odman və Mekanla yaratdığımız bu ortaq ruhu çox sevdik.

İndi həm oyun məkanımızı, həm də bu ortaq ruhu itirmə təhlükəsi ilə üz-üzəyik.

Sizin dəstəyiniz, pandemiya zamanı ödəyə bilmədiyimiz və bir müddət ödəyə bilməyəcəyimiz kirayə, vergilər, işçilərin müavinətləri və sabit xərclər üçün istifadə ediləcəkdir.

Dəstəyiniz və güvəniniz üçün əvvəlcədən təşəkkür edirik ... "

https://fongogo.com/Project/kadikoy-theatron-kapanmasin

 

Mənbə: http://www.tiyatrodergisi.com.tr/nuray-buyukdag-yazdi-mektubunuz-var-kadikoy-theatron-kapanmasin/

Hazırladı: Leyla Hüseynzadə