Teatro

yüklənir...

TEATRO

TEATRO

sənət portalı

post-title

İsmayıl İmanın əsəri mövsümün ən yaxşı pyesləri siyahısına daxil edilib

Dramaturq İsmayıl İmanın müasir gənclərin problemləri haqqında yazdığı pyes teatr tənqidçisi Pavel Rudnev tərəfindən bəyənilib. 

Məşhur rus teatrşünas, art-menecer, sənətşünaslıq elmləri namizədi Pavel Rudnev azərbaycanlı yazıçı və dramaturq İsmayıl İmanın “Big in Japan” (“Böyük Yaponiya”) əsərini 2019-2020-ci il teatr mövsümünün ən yaxşı pyesləri siyahısına daxil edib. 

İsmayıl İman üçün bu xəbər gözlənilməz olub. Pyes üzərində işi 2020-ci ildə tamamlayıb. İsmayıl İmanın sözlərinə görə əsər müasir gəncliyin problemlərindən bəhs edir. 

Rudnevin siyahısına həmçinin Oljas Canaydarov, Sergey Davıdov, Dimitriy Danilov, Yelena Erpılevoya və başqaları daxil edilib. 

İsmayıl İman “Sevil”, “Limbo”, “Astara bağları” və bir çox pyeslərin müəllifidir. Onun əsərlərini tez-tez “dOM” İnteraktiv  teatrının repertuarında görmək olar. O həmçinin “Mənim balaca Şəhzadəm” qısametralı animasiyasının senari müəllifidir. 

Pavel Rudnev Rusiyanın müasir teatr proseslərinin tədqiqatçılarından biri, MXAT studiya məktəbinin və QİTİS-in dosentidir. Müxtəlif illərdə “Qızıl Maska” festivalının eksperti, “Maska Plus” verilişinin kuratoru olub. “Avrasiya”, “Kulminasiya”, “Lubimovka”, “Remark” və bir çox Rusiya və beynəlxalq dramaturgiya müsabiqələrinin münsiflər heyətində çıxış edib.