YUĞ Dövlət Teatrının yeni direktoru kollektivə təqdim edilib

Mədəniyyət Nazirinin müvafiq əmri ilə Sumqayıt Dövlət Dram Teatrının sabiq direktoru İslam Həsənov YUĞ Dövlət Teatrına direktor təyin olunub. Mədəniyyət Nazirliyinin İncəsənət şöbəsinin müdiri İsmayıl Hüseynov İslam Həsənovu kollektivə təqdim edib. Nazirliyin rəsmisi çıxış edərək İslam Həsənovu bu təyinat münasibətilə təbrik edib, ona yeni vəzifəsində uğurlar arzulayıb. Natiq YUĞ Teatrının Azərbaycan mədəniyyətində tutduğu yerdən danışıb və ölkədəki bütün teatr-tamaşa müəssisələri kimi, öz fərqli sənət yolu olan bu teatrın dövlətin himayəsində olduğunu bildirib.
Diqqətə çatdırılıb ki, İslam Həsənov uzun illər bu sahədə çalışan, teatr sənətini sevən və onun sirlərinə bələd olan bir insandır. İslam Həsənov 1965-ci ildə Lənkəran şəhərində anadan olub, 1982-1988-ci illərdə M.A.Əliyev adına İncəsənət İnstitutunda təhsil alıb. 1990-1992-cı illərdə “Meydan” teatr-studiyasında aktyor işləyib. 1991-1992-ci illərdə Azərbaycan Televiziya və Radio Verilişləri Şirkətində aparıcı və redaktor işləyib. 1992-2007-ci illərdə Azərbaycan Teatr Xadimləri İttifaqında İnformasiya Mərkəzinin rəhbəri olub. 2007-2014-cü illərdə N.B.Vəzirov adına Lənkəran Dövlət Dram Teatrında, 2014-2018-ci illərdə Sumqayıt Dövlət Musiqili Dram Teatrında direktor vəzifəsində çalışıb.
Daha sonra çıxış edən İslam Həsənov təyinata görə minnətdarlığını bildirib. O, qeyd edib ki, YUĞ Teatrı mənə doğma bir teatrdır. Çünki gözümüzün qabağında yaranıb və formalaşıb. Allah rəhmət eləsin, Vaqif müəllimə. O dövlər bizim hamımız bu teatra maraq göstərirdik. YUĞ Teatrı öz estetikası, fərdi üslubu ilə seçilir. Biz də çalışacağıq ki, bu teatrın fərqliliyini qoruyub saxlayaq və fəaliyyətini uğurla davam etdirək.

Qeyd edək ki, bundan əvvəl YUĞ teatrında direktor əvəzi vəzifəsini Kukla Teatrının direktoru Rəşad Əhmədzadə icra edirdi.

- Advertisement -

BIR CAVAB BURAXIN

şərhinizi daxil edin!
Buraya adınızı daxil edin

Read More

Moldovoda beynəlxalq afişa müsabiqəsi keçiriləcək

Müsabiqənin rəsmi saytından verilən xəbərə görə,  tədbir bu ilin dekabr ayında Kişinyov şəhərində baş tutacaq. MOLDFEST.RAMPA.RU-nun kiçik formalı tamaşaları və Kamera Teatrlarının 10-cu Beynəlxalq...

İradə Gözəlova, “Yoxsa…”

TeatrO.az saytı "Yoxsa" 21 sual layihəsini təqdim edir. Layihənin ilk qonağı Gəncə Dövlət Dram Teatrının baş rejissoru İradə Sayya (Gözəlova): 1. Sayya, yoxsa Gözəlova? - Gözəlova....

Azərbaycan kino xadimləri təltif edildi

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq və “Azərbaycan Respublikası Prezidentinin fərdi təqaüdünün təsis edilməsi haqqında” Azərbaycan Respublikası Prezidentinin 2002-ci il 11...

Recent

Aydın Talıbzadə – “Alma”

(fasiləsiz oynanılan pyes-mif) KİŞİ QADIN MASKA-QANUN MASKA-AİLƏ MASKA-ƏXLAQ MASKA-ADƏT ANDLILAR Türmədə və ya yuxuda və ya o biri dünyada görüş yeri. Divarları iri plastik pəncərələrdən ibarət çox işıqlı bir otaq. Stolun bir...

“Bermud üçbucağı”nda – Ayaz Salayev

Kişi çılpaqlığını sənət əsəri kimi təqdim eləmək üçün rejissor gey olmalıdır... TeatrO.az sənət portalının layihəsi: Könül Əliyeva-Cəfərova və Dağlar Yusifin təqdimatında “Bermud üçbucağı”nın qonağı kinorejissor...

Sərdar Aminin yeni romanı nəşr edildi – “Su sərgisi” (R)

Roman ömrünə 1 ay qaldığını öyrənən gəncin son günlərini sərgiləyir. Ölüm qarşısında laqeydləşən gənc son ümid kimi türkçarəçi qocadan...