Təbrizin Paşa Teatrı Ankara Festivalında

XII dəfə keçirilən Ankara Beynəlxalq Ethos Teatr Festivalı bu dəfə sənətsevərlərin qarşısına “Köç” mövzusu ilə gəlib. Hər il keçirilən festivalın bu ilki fəxri mükafatçısının Rüştü Asyalı olacağı gözlənilir. Festival 26 mart – 4 aprel tarixlərində keçirilir. İran, Polşa, İngiltərə, Almaniya və Türkiyənin bir çox bölgələrindən qatılan həvəskar qruplar 27 səhnə və 4 emalatxana tamaşası ilə teatrsevərlərin görüşünə gələcək.

Emalatxana tamaşaları – “Pantomim sənəti ilə görüş” başlığı altında Volfqanq Nemo tərəfindən, “Qəddar teatr” (Antonen Arto) Tələt Yurdsevən (Almaniya) tərəfindən, “Bədənimizin laborotoriyası/Hərəkət, Rəqs və İnkişaf” Katarzyana Pastuzak (Polşa) tərəfindən, “Tamaşanın müəllifi: Üç görüş ilə teatr macərası” Tarık Günərsel tərəfindən təqdim ediləcək.

Paytaxt Ankarada keçirilən  XII Ankara Ethos Teatr Festivalında İranı Təbriz teatrı təmsil edib. Təbrizin gənc Paşa Teatrının təqdimatında yazıçı Əkbər Şəriətin əsəri əsasında hazırlanan “Paşa” tamaşası Azərbaycan türkcəsində Təbriz ləhcəsində nümayiş olunub.

İranda Məşrutə dövrü öncəsi yaşamış Azərbaycanın tarixi qadın qəhrəmanı Zeynəb Paşaya ithaf olunan əsər 36-cı Beynəlxalq Fəcr Teatr Festivalından sonra ikinci festivaldır ki, qatılır.

Musiqisi Şahrux Pənahfərdə məxsus olan və tragikomediya janrında səhnəyə qoyulan “Paşa” tamaşasında təbrizli aktyorlar Məhəmməd Qənbəri, Mehdi Səmsari, Delaram Həbib Piran, Bəhram Həsənbabayi, Vəhid Şirzad, Əli Abbaspur çıxış ediblər. Nümayişdən sonra zaldakı seyrçilərlə tamaşanın yaradıcı qrupu arasında diskussiya olub.

Dramaturq Əkbər Şəriəti bu və digər tamaşalarla Azərbaycan türkcəsini anlayan hər yerə, hər məmləkətə, o cümlədən Azərbaycanın paytaxtı Bakıya da getməyi arzuladıqlarını söyləyib.

Rejissor və Zeynəb Paşa rolunun ifaçısı Nazilə İranzad Beham “Paşa” tamaşasının ərsəyə gəlməsindən, Zəynəb Paşa kimi qəhrəman qadınların kişilərdən heç də geri qalmadıqlarından, qadın-kişi bərabərliyinin dünyaya sülh və əmin-amanlıq gətirəcəyinə inamından bəhs edib.

- Advertisement -

BIR CAVAB BURAXIN

şərhinizi daxil edin!
Buraya adınızı daxil edin

Read More

Azərbaycan kinosu: dünən, bu gün, sabah

Azərbaycan Respublikası Kinematoqrafçılar İttifaqının elan etdiyi “Azərbaycan kinosu: dünən, bu gün sabah” adlı müsabiqənin nəticələri açıqlanıb. Azərtac-ın İttifaqa istinadən yaydığı məlumata görə, milli kinomuzun 120...

Dağlar Yusif – Nəzəri-konseptual sayıqlamalar: BƏDƏN

Yeji Qrotovskiyə görə, “aktyorun görəvi rolu, yaxud xarakteri canlandırmaq, yəni bədənləşdirmək deyil. Dramaturqun mətndə təqdim etdiyi obraz, sadəcə, vasitədir. Aktyor oynayacağı rolu özünü parçalara...

“Tıq-tıq xanımın Saxta babası” (R)

Dövlət Təhlükəsizliyi Xidmətinin Mədəniyyət Mərkəzi yeni "Tıq-tıq xanımın Saxta babası" adlı tamaşasını təqdim edir. Bu yeni ildə siz tam başqa Tıq-tıq xanımı görəcəksiniz. Öz...

Recent

“Boş məkanın dolğunluğu” 2-ci Eksperimental tamaşalar festivalı

1-9 mart 2019-cu il tarixlərində «Boş məkanın dolğunluğu-2» Eksperimental tamaşalar festivalı keçiriləcək. Azərbaycan Teatr Xadimləri İttifaqının Azərbaycan Respublikası Mədəniyyət Nazirliyi ilə birlikdə təşkil etdiyi...

SABAH qruplarının “Otello”su

Bu gün saat 16.00-da ADMİU-nun Tədris Teatrında SABAH qruplarının, dosent Fikrət Məlikovun kursunun tələbələrinin ifasında U.Şekspirin eyniadlı əsəri əsasında hazırlanmış "Otello" tamaşası nümayiş olunacaq....

Şahanə Urfan – Dram əsərlərində informasiya

Semiotika sahəsində aparılan tədqiqatlarda önəmli yerlərdən birini də informasiya mübadiləsi prosesi tutur. Mətnin poetik özəlliklərindən əlavə sırf məlumatötürmə funksiyası semiotik tədqiqatlarda adresat-adresant münasi­bət­lərinin aydınlaşdırılması,...