İntiqam Soltan: “Məqsədimiz yaradıcı heyətin inkişafına zəmin yaratmaqdır”

Bakı Uşaq Teatrı “Bir teatr, bir festival” layihəsi çərçivəsində keçirdiyi üçüncü “Bizim teatr festivalı”nı “Nəsimi ili”-nə həsr edib. Azərbaycan Teatr Xadimləri İttifaqının dəstəyi ilə reallaşacaq və “Nəsimi ili – Nəsimi dili” adlanan festivalın açılışı aprelin 12-də Aktyor Evində gerçəkləşəçək. Festivalın təşkilatı işləri ilə bağlı təəssüratlarını bizimlə bölüşmək üçün Bakı Uşaq Teatrının bədii rəhbəri və direktoru, Əməkdar artist İntiqam Soltana müraciət etdik.

– İntiqam müəllim, “Nəsimi ili – Nəsimi dili” festivalına necə hazırlaşırsınız?

– Teatrımızın yaradıcı heyəti bu festivala çox məsuliyyətlə yanaşır. Artıq teatrdaxili birinci və ikinci turlar başa çatıb. Bu festival bizim üçün çox önəmlidir.  Bilirsiniz ki, bu, “Bir teatr, bir festival” layihəsi çərçivəsində keçirdiyimiz üçüncü “Bizim teatr festivalı”ıdır.  İlk dəfə mono tamaşalar festivalı keçirdik. İkinci festivalımız beynəlxalq tamaşalar festivalı idi.  Bu festivala İrandan, Gürcüstandan və Türkiyədən də qonaqlarımız gəlmişdi. Üç gün ard-arda 15 tamaşa ilə çıxış etdik. Bu dəfə  isə “Nəsimi ili” ilə əlaqədar “Nəsimi ili, Nəsimi dili” festivalı keçirməyə qərar verdik. Məqsədimiz yaradıcı heyətimizin fərdi sənətkarlıq keyfiyyətlərinin inkişafına zəmin yaratmaqdır.  Aktyorlarımız hər biri ayrı-ayrılıqda öz üzərində çalışır. Nəsimi deyəndə hamımızın gözü önündə ilk növbədə onun qəzəlləri və “Nəsimi” filmi canlanır. Əsas məqsədimiz aktyorların fərdi yaradıcılığı və özlərini ifadə etməsidir. Nəsimi qədər böyük bir ümmana baş vurmaq özü bir cəsarət tələb edir. Mən bütün kollektivə festivala qatılmaqda könüllü olduqlarını bildirsəm də teatrın demək olar ki, bütün aktyorları festivalda iştirak etmək arzusundadır.

Bizim festival bir az fərqlidir. O mənada ki, burada məqsəd yalnız əruz vəznini nümayiş etdirmək, onun qaydalarına əməl etmək deyil.  Biz istəyirik ki, bütövlükdə Nəsimi yaradıcılığına səyahət edək, onun şeirlərinin fərqli səhnə yozumlarını, ifalarını görək.  Münsiflər heyəti də iştirakçıları məhz bu yöndə qiymətləndirəcək.  Bu festivalda bizə dəstək göstərdiklərinə görə, Akademik Rus Dram Teatrına, Sumqayıt Dövlət Dram Teatrına, Gənc Tamaşaçıları Teatrına, Akademik Musiqili Teatra, həmçinin,  Azərbaycan Dövlət Mədəniyyət və İncəsənət Universitetinə, Azərbaycan Milli Konservatoriyası nəzdində Respublika  İncəsənət Gimnaziyasına da təşəkkürümü bildirirəm. Qeyd edim ki, Azərbaycan Dərbənd Dövlət  Dram Teatrının rəhbəri Firdovsi Əkbərovun  iştirakı ilə həmin teatrın nümayəndələri də festivalda çıxış  edəcək. Səsimizə səs verən çoxdur. Təbii ki, belə bir məsuliyyətli layihəni həyata keçirmək istəyiriksə bunun maddi və mənəvi tərəflərinin bütün yükünü də üzərimizə götürmüşük.

– Deyəsən, Bakı Uşaq Teatrının pulu çoxdur?

– Açığı maddi tərəfinin altından necə çıxacağıq,  onu tam olaraq bilmirəm (gülürük). Tamaşalar Azərbaycan Teatr Xadimlər İttifaqının böyük səhnəsində nümayiş olunacaq. Bizə bu şəraiti yaratdıqları üçün AzTXİ-nin rəhbərliyinə xüsusi təşəkkürümü bildirirəm.

– Bəs qınaqlardan qorxmursunuzmu?

– Hansı qınaqlardan?

Ənənəvi qınaqlardan.

– Əgər ortada yaradıcı proses varsa təbii ki, qınaqlar da olacaq.

Deyiləcək ki,  “Uşaq teatrı hara, böyüklər üçün tamaşa hara?”,  “Uşaqların Nəsimi ilə nə əlaqəsi?” -bu kimi qınaq dolu suallara hazırsınız?

–  Bu gün bir neçə bağça direktoru məndən “Nəsimini uşaqlara necə tanıtdıraq?” adlı  layihə istəyib. Bağça uşaqları və Nəsimi. Bunu etmək üçün həm cəsarət, həm səbr, həm də yanaşma metodunu bilmək lazımdır.  O ki, qaldı sualınıza tənqid hər zaman var, istər bunu özünü teatrşünas adlandıran insanlar  etsin, istərsə də qeyriləri. Ümumiyyətlə, tənqiddən qorxan iş görməz. Teatrşünasın işi münasibət bildirməkdir. Ancaq teatr tənqidçilərimiz bəzən təhqirə keçirlər. Əslində, burada heç bir narahatçılıq yoxdur. Haqlı tənqidə hər zaman açığıq. Çox yaxşı olardı ki, tənqid edən insan problemin çıxış yolunu da göstərsin. Əgər bu yolu göstərə bilmirsə, el arasında bunun bir adı var “mız qoymaq”. Uşaq teatrının digər teatrlardan ən böyük fərqi ondadır ki, burda “hamı bir nəfər üçün, bir nəfər də hamı üçün işləyir”. Bizim gücümüz də elə ondadır.

- Advertisement -

BIR CAVAB BURAXIN

şərhinizi daxil edin!
Buraya adınızı daxil edin

Read More

“Tıq-tıq xanımın Saxta babası” (R)

Dövlət Təhlükəsizliyi Xidmətinin Mədəniyyət Mərkəzi yeni "Tıq-tıq xanımın Saxta babası" adlı tamaşasını təqdim edir. Bu yeni ildə siz tam başqa Tıq-tıq xanımı görəcəksiniz. Öz...

“Paris partladı”

Azərbaycanın əlilliyi olan və olmayan aktyorlardan ibarət ilk və tək inklüziv ƏSA Teatrı teatr mövsümünün son premyerasını iyulun 7-də təqdim edəcək. ƏSA Teatrının təqdim edəcəyi...

Mikayıl Mikayılov Qazaxıstanda “Dayımın yuxusu”nu səhnələşdirib

Mikayıl Mikayılov Qazaxıstanda növbəti tamaşaya quruluş verib. K.S.Stanislavski adına Karaqanda Rus Dram Teatrında hazırlanan tamaşa rejissorun özü tərəfindən F.M.Dostoyevskinin “Dayımın yuxusu” povesti əsasında səhnələşdirilib....

Recent

Paytaxt teatrlarının həftəlik repertuarı (16-22 aprel)

Azərbaycan Dövlət Akademik Milli Dram Teatrı 17 aprel M. Qavran “Qəribə, çox qəribə əhvalat” saat 19:00 (“A.M.Şərifzadə səhnəsi”ndə) 18 aprel M. Qavran “Qəribə, çox qəribə əhvalat” saat...

On yeddi film “Qızıl Ayı” mükafatı uğurunda yarışacaq

Almaniyanın paytaxtı Berlində keçiriləcək 69-cu Beynəlxalq Film Festivalında 17 ekran əsəri “Qızıl Ayı” mükafatı uğrunda yarışacaq. AZƏRTAC Anadolu agentliyinə istinadla xəbər verir ki, fevralın 7-dən 17-dək...

Mixail Çexov online oldu

Görkəmli rus aktyoru və teatr nəzəriyyəçisi Mixail Çexovun “Peşəkar aktyorluq dərsləri” kitabının onlayn versiyası Azərbaycan Respublikası Nazirlər Kabineti yanında Tərcümə Mərkəzinin “Açıq kitab” adlı...