Ana səhifə » Xəbər » Akademik Milli Dram Teatrında “Dəli yığıncağı” qurulur

Son yazılar

Müsahibə
İyun 18, 2019

“Bermud üçbucağı”nda – Qabil Quliyev

Xəbər
İyun 18, 2019

Sabah “TƏK” Yaradıcılıq Platformasının ilk tamaşası nümayiş olunacaq

Xəbər
İyun 15, 2019

Akademik Milli Dram Teatrında Bəsti Cəfərovanın 60 illik yubileyi qeyd olunub

Afişa
İyun 13, 2019

Paytaxt teatrlarının həftəlik repertuarı (13 iyun – 20 iyun)

Müsahibə
İyun 13, 2019

Dağlar Yusif – “dOM” Teatrından reportaj: ”Bu şəxsən mənimçün təzə deyil”

Xəbər
İyun 13, 2019

Bəsti Cəfərova – 60 yaş

Xəbər
İyun 13, 2019

“Leyli və Məcnun” operasının növbəti tamaşası keçiriləcək

Xəbər
İyun 12, 2019

Dərbənddə “Nəsimi ili-Nəsimi dili” tamaşası təqdim olunub

Xəbər
İyun 12, 2019

Azərbaycanlı rejissor dünyaya səs salan layihəyə imza atdı

Xəbər
İyun 11, 2019

Akademik Musiqili Teatrda ənənəvi mükafatlandırma olacaq

Xəbər
İyun 10, 2019

“Kubinka” tamaşasının premyerası baş tutacaq

Xəbər
İyun 9, 2019

Rus Dram Teatrı “Tənhalığın komediyası”nı təqdim edib

Xəbər
İyun 8, 2019

“dOM” Teatrı “Tuğanlıq” festivalında mükafat qazanıb

Persona
İyun 7, 2019

Aydın Talıbzadə – “SFİNKS VƏ KONTRABAS”

Xəbər
İyun 7, 2019

Nəsimiyə həsr olunmuş tamaşa Dərbənd qalasında

Xəbər
İyun 7, 2019

Teatrlarda PR işinin təşkili mövzusunda dəyirmi masa keçirilib

Xəbər
İyun 7, 2019

“Qızıl balıq” tamaşasının premyerası oldu

Xəbər
İyun 7, 2019

“Sonuncu”nun kinoversiyası çəkilir

Xəbər
İyun 7, 2019

Lənkəranda keçirilən Beynəlxalq Teatr Festivalı başa çatıb

Mövqe
İyun 6, 2019

Bayram kimi festival

Xəbər
İyun 5, 2019

YUĞ Dövlət Teatrı bu gün “Novruz” Festivalında çıxış edəcək

Xəbər
İyun 5, 2019

Uşaqların üzünü güldürən festival

Xəbər
İyun 5, 2019

Serbiya, Özbəkistan və Azərbaycan opera ulduzları birgə çıxış edəcəklər

Xəbər
İyun 2, 2019

I Lənkəran Beynəlxalq Teatr Festivalı ikinci gününü başa vurdu

Xəbər
İyun 2, 2019

Lənkəran Teatr Festivalının birinci günü başa çatdı

Mövqe
May 30, 2019

Aynurə Mustafayeva – Niyə biz yaxşı dram yarada bilmirik?!

Xəbər
May 30, 2019

LƏNKƏRANDA I BEYNƏLXALQ TEATR FESTİVALI KEÇİRİLƏCƏK

Müsahibə
May 30, 2019

Naibə Allahverdiyeva: “Bu sənətin nümayəndəsi olduğum üçün utanıram”

Xəbər
May 29, 2019

I Lənkəran Beynəlxalq Teatr Festivalı keçiriləcək

Persona
May 29, 2019

Aygün Aslanlı – Sükutunu pozmayan İNSAN…

Akademik Milli Dram Teatrında “Dəli yığıncağı” qurulur

Akademik Milli Dram Teatrında Azərbaycan ədəbiyyatının görkəmli nümayəndəsi, yazıçı-dramaturq Cəlil Məmmədquluzadənin “Dəli yığıncağı” tragikomediyası səhnəyə qoyulur.

Teatro.az saytının Open.az saytına istinadən verdiyi məlumata əsasən əsər Mirzə Cəlilin 150 illik yubileyinə həsr edilib.

Tamaşaya,uzun fasilədən sonra Akademik Milli Dram Teatrına dəvət olunan tanınmış rejissor, əməkdar incəsənət xadimi Bəhram Osmanov quruluş verəcək.

Əsərin rol bölgüsü və aktyorların seçimi artıq başa çatıb.

Tamaşada Fazil Küleyni surətini xalq artisti Nurəddin Mehdixanlı, Molla Abbas- əməkdar artist Elşən Rüstəmov, Pırpız Sona- əməkdar artist Vəfa Rzayeva ifa edəcək. Ümumilikdə yeni “Dəli yığıncağı”na 30-dək aktyor cəm olub.

Əsərin tarixində ilk dəfə olaraq, Doktor Lalbyuz obrazını qadın aktrisa canlandıracaq. Bu obraza yeni səhnə həyatı bəxş etmək, əməkdar artist Sənubər İsgəndərlinin payına düşüb. Gözəl aktrisamızın yaradacağı Lalbyuz xüsusi marağa səbəb olacaq.

Qeyd etdiyim kimi tamaşanın quruluşçu rejissoru Bəhram Osmanov, quruluşçu rəssamı Nazim Bəykişiyev, bəstəkarı Siyavuş Kərimi, səhnə hərəkəti və plastika Ceyhun Dadaşova məxsusdur.

Aprelin 16-dan məşqlərinə başlanılacaq tamaşanın rejissoru, Gənc Tamaşaçılar Teatrının baş rejissoru, əməkdar incəsənət xadimi Bəhram Osmanov Open.az-a özəl açıqlama verib.

Tanınmış rejissorun sözlərinə görə, Mirzə Cəlilin 150 illik yubileyi münasibətilə hazırlanan tamaşanı ərsəyə gətirmək çətin olduğu qədər də şərəflidir: “Məşqlərə hələ təzə başlayıram. Təbii ki, çətindir. Adətən hər hansı bir pyes üzərində xeyli müddət çalışıram. Elə əsərlər olub ki, üzərində yaradıcılıq işi aparıb, sonradan vaxta-zamana görə hazırlamamaq qərarı vermişəm. Hazırki məqamda vəziyyət belədir ki, Gənc Tamaşaçılar Teatrı ilə paralel məşqlər aparıram. Gənc Tamaşaçılar Teatrında “Varislər”əsərinin məşqləri gedir. Milli Dram Teatrında isə “Dəli yığıncağı”na start verilir. Milli Dram Teatrına Azərpaşa Nemətin dəvəti ilə gəlmişəm. Cəlil Məmmədquluzadəni hər birimiz sevməyə borcluyuq. Mirzə Cəlilin əsərləri daimi olaraq Azərbaycan səhnəsində oynanılmalıdır. Mənim rejissor taleyimdə Mirzə Cəlilə müraciətim ilkdir. Hər zaman ürəyimdə bir qorxu olub. Çünki böyük məsuliyyətdir. Düzdür, Mədəniyyət və İncəsənət Universitetində tələbələrlə müxtəlif əsərlərini hazırlamışıq. Amma böyük səhnədə ilk dəfədir ki, Mirzə Cəlilə müraciət edirəm.Mənə belə gəlir ki, hər bir əsərin müəllif tərəfindən açılış kodu var. Amma Mirzə Cəlil dramaturgiyasına müraciət edən hər rejissor yozumu müxtəlif cür görür. 10 gündür ki, əsər üzərində çalışıram, hələlik həmin kodları açmaqla məşğulam. Hər şey kollektivlə ünsiyyətdən asılıdır. İnşallah, əsəri iyunun əvvəlində təhvil verməyi düşünürəm”.

Bəhram Osmanov əlavə edib ki, “Dəli yığıncağı”nın tarixində ilk dəfə olaraq Lal Byuz surətini qadın aktrisa canlandıracaq: “Lal Byuz həm qadın, həm də kişi ola bilər. Ümumiyyətlə bu, mücərrəd obrazdır. Hələlik ki, düşünürəm. İnanıram ki, hər şey yaxşı alınacaq”.

Xatırladaq ki, Cəlil Məmmədquluzadənin”Dəli yığıncağı” tragikomediyasını 1926-1927-ci illərdə qələmə aldığı deyilsədə, görkəmli teatr rejissoru, xalq artisti Mehdi Məmmədovun televiziyada olan çıxışında əsərin 1923-cü ildə yazıldığı vurğulanıb. Mehdi Məmmədov quruluş verdiyi “Dəli yığıncağı” tamaşası haqqında danışarkən bildirib ki, “Tragikomediya 1923- cü ildə yazılıb və 60 il səhnə üzü görməyib. Yalnız 1977-ci ildə Akademik Dram Teatrının səhnəsində tamaşaya quruluş verilib”.

Azərbaycan Dövlət Televiziyasının “Qızıl Fondu”nda “Dəli yığıncağı” tamaşası illərdir qorunub saxlanılır. Tamaşa 1978-ci ildə lentə alınıb. Mehdi Məmmədovun 42 il əvvəl dahiyanə quruluş verdiyi tamaşada Akademik Teatrın görkəmli səhnə xadimləri çıxış edib. Səməndər Rzayev, Şəfiqə Məmmədova, Hamlet Qurbanov, Hamlet Xanızadə, Mikayıl Mirzə, Yaşar Nuri, Ramiz Məlikov, Rafiq Əzimov, Hacı İsmayılov, Məmmədrza Şeyxzamanov, İsmayıl Osmanlı, Əliağa Ağayev, Ağasadıq Gəraybəyli və daha kimlər… kimlər…

Əsərin səhnə taleyində sonuncu tamaşa 2015-ci ildə Gəncə Dövlət Dram Teatrının hazırladığı “Dəli yığıncağı”dır. Tamaşaya teatrın baş rejissoru İradə Gözəlova quruluş verib. İradə Gözəlovanın quruluş verdiyi tamaşa maraqlı səhnə həlli ilə yadda qalıb.

2019-cu il Cəlil Məmmədquluzadənin yubiley ilidir. Məhz, bu il uzun zaman Akademik Dram Teatrının səhnəsində oynanılmayan “Dəli yığıncağı” tamaşasının repertuara salınması və Bəhram Osmanovun quruluşunda yenidən səhnəyə gətirilməsi çox təqdirəlayiq haldır.

“Dəli yığıncağı”nda görüşənədək!

Ülviyyə Həsənqızı

Oxşar yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir