ADMİU-da Cəfər Cəfərova həsr edilmiş tələbə konfransı keçirilib

Azərbaycan Dövlət Mədəniyyət və İncəsənət Universitetinin Teatrşünaslıq kafedrası “Cəfər Cəfərov yaradıcılığı Azərbaycan teatrının güzgüsü kimi” mövzusunda tələbə elmi konfransı keçirib. Konfransın açılışı 11 mart 2019-cu il tarixində ADMİU-nun əsas binasında “Heydər Əliyev Mədəniyyət və İncəsənət Məktəbi”nin konfrans zalında olub. Konfransı giriş sözü ilə Azərbaycan Dövlət Mədəniyyət və İncəsənət Universitetinin rektoru, professor Ceyran Mahmudova, açıb. Sonra ADMİU-nun Elm və yaradıcılıq işləri üzrə prorektoru, sənətşünaslıq üzrə elmlər doktoru, professor Məryam Əlizadə qonaqları salamlayıb, konfrans iştirakçılarına uğurlar arzulayıb və Teatrşünaslıq kafedrası tərəfindən hər il mütəmadi olaraq keçirilən tələbə elmi-konfransı haqqında məlumat verib: “ADMİU-nun Teatrşünaslıq kafedrasının keçirdiyi konfrans çox mühüm elmi-nəzəri bir mövzunu gündəmə gətirmək, milli teatrşünaslıq elminin banisi, böyük alim Cəfər Cəfərov yaradıcılığının müxtəlif aspektlərini təhlil etməklə yanaşı, tələbələrdə araşdırma vərdişlərini formalaşdırmaq, onların tədqiqatçılıq səriştələrini artırmaq məqsədini qarşıya qoyub”. Cəfər Cəfərovun tələbəsi olmuş professor tələbəlik illərini xatırlayıb, müəlliminin onun peşəkar teatrşünas kimi formalaşmasında, bu sənətin sirlərinə yiyələnməsində böyük rol oynadığını vurğulayıb. Daha sonra Məryam Əlizadə “Fikir adamı” adlı məruzə ilə çıxış edib. Kurs rəhbərlərinin ardınca ADMİU-nun Teatr sənəti fakültəsinin Teatrşünaslıq ixtisasının III kurs tələbələri (kurs rəhbəri professor Məryam Əlizadə) çıxış edib. Səkinə Həsənovanınnın ” Azərbaycan teatrının tarixi Cəfər Cəfərovun təfsirində”, Leyla Rəhimovanın ” Cəfər Cəfərov yaradıcılığında Şekspir irsinə münasibət”, Zöhrə Abdullayevanın ” Cəfər Cəfərov və tənhalıq problemi”, Cavid Zeynalovun “Cəfər Cəfərov Azərbaycan milli dramaturgiyasının elmi şərhçisi kimi”, Mirzə Süleymanlının ” Cəfər Cəfərov və Azərbaycan aktyor sənətinin tədqiqi problemləri”, Vüsalə Musazadənin “M.F.Axundzadə irsinin tədqiqində Cəfər Cəfərovun rolu” mövzusunda məruzələri dinlənilib. Konfransda Teatrşünaslıq kafedrasının, eləcə də digər kafedraların professor-müəllim heyəti və tələbələri iştirak ediblər. Tədbirin sonunda müəllimlər professorlar İsrafil İsrafilov və Aydın Talıbzadə, dosent Vidadi Qafarov çıxış edərək, konfrans iştirakçılarını təbrik edib və məruzələrlə bağlı təklif, irad və qeydlərini bildiriblər.

 

- Advertisement -

BIR CAVAB BURAXIN

şərhinizi daxil edin!
Buraya adınızı daxil edin

Read More

Anar Erkebay – “Arşın mal alan” müzikli Qazaxıstan səhnəsində”

“Arşın mal alan” musiqili komediyasının Şərqi Qazaxıstan vilayət Gənclər Teatrındakı premyerası yubiley tamaşasına çevrildi – gənc truppanın onuncu tamaşası oldu. Gürcüstandan dəvət olunmuş rejissor...

“Bermud üçbucağı”nda -Bəhram Osmanov

TeatrO.az sənət portalının layihəsi: Könül Əliyeva-Cəfərova və Dağlar Yusifin təqdimatında “Bermud üçbucağı”nın qonağı Əməkdar incəsənət xadimi Bəhram Osmanovdur. Könül Əliyeva-Cəfərova: Bəhram müəllim, son zamanlar ədəbiyyat...

Ötən il Musiqili Teatr üçün əlamətdar hadisələrlə yadda qalıb

Azərbaycan Dövlət Musiqili Teatrının 108-ci mövsümü uğurlu və əlamətdar hadisələrlə yadda qalıb. İlboyu Musiqili Teatrda bir çox beynəlxalq və respublika əhəmiyyətli tədbirlər keçirilib. Bir...

Recent

Həmyerlimiz “Aprel baharı” festivalında iştirak edəcək

Rusiya sirk kompaniyasından verilən xəbərə görə, 2018-ci ilin 11 aprel tarixində Koreya Xalq Demokratik Respublikasının paytaxtı Pxenyan şəhərində XXXI Beynəlxalq Bədii Dostluq Festivalı başlanacaq. Festivala...

Şəki Festivalının Şəki mərhələsi başa çatdı

Gürcüstanın Muvement teatrı “Sərhədsiz teatr” III Şəki Beynəlxalq Teatr Festivalının beşinci günündə, mayın 16-da tamaşaçılara U.Şekspirin “Fırtına” əsərini təqdim edib. Tamaşanın quruluşçu rejissoru İoseb...

ADMİU-da “Sayt-spesifik teatr” mövzusunda seminar keçirilib

Aprelin 5-də Azərbaycan Dövlət Mədəniyyət və İncəsənət Universiteti, TeatrO.az sənət portalı və müstəqil dOM teatrının əməkdaşlığı ilə “Dünya teatr məkanında yeni təzahürlər: “Sayt-spesifik teatr”...