“Əsa” Teatrı Amerikanı təəccübləndirib

Xəbər verdiyimiz kimi, “Əsa” Teatrı hazırda ABŞ-da ölkəmizi təmsil edir. Ötən günlərdə teatrın rəhbəri, rejissor Nihad Qulamzadə Amerika konqresinin üzvü Mark Amodei tərəfindən “Konqres mükafatı”na layiq görülüb.
Biz də TeatrO.az sənət portalı olaraq teatrın meneceri Nicat Qulamzadə ilə əlaqə saxlayıb, bu barədə ətraflı məlumat aldıq və kollektivin gələcək yaradıcılıq planları ilə maraqlandıq.
Nicat Qulamzadə qeyd etdi ki, “Böyük nüzufa malik “Açıq dünya” proqramı ABŞ-da 1999-cu ildə təsis olunub. Bu il 2-12 may tarixlərində “Əlilliyin müdafiəsi, islahatlar və incəsənət” mövzusunda keçirilən proqrama Azərbaycan ilk dəfədir qoşulub. Bu proqram çərçivəsində dünyanın müxtəlif ölkələrindən 200-dən çox insan iştirak edir. Azərbaycanı təmsil edən beş nəfərlik heyət içində “Əsa” Teatrı da var. Teatrımızın Amerika səfəri ABŞ-ın Azərbaycandakı Səfirliyinin dəstəyi ilə baş tutub. Kollektivimizin ABŞ-da iştirak etdiyi görüşlərdə məlum olub ki, Amerikada, əslində, sosial sfera, inklüzivlik sahəsində hər hansı bir problem olmasa da, bu cür peşəkar səviyyədə teatr yoxdur. Onlar yalnız dərnək səviyyəsindədir. Bu səbəbdən də Konqresdə Qafqazda, məhz Azərbaycanda ilk dəfə professional səviyyədə əlilliyi olan insanları incəsənətə adapdasiya edən, onları yönəldən, peşəkar səhnəyə çıxardan belə böyük bir teatrın mövcud olması çox təəccüblə qarşılanıb. Qarşıdakı günlərdə “Əsa” Teatrının özünün böyük bir layihəsinin təqdimatı olacaq. Bu böyük bir sosial biznes layihəsidir. Minlərlə fiziki məhdudiyyətli insanı mədəniyyətə, incəsənətə adaptasiya etməyi nəzərdə tutan layihə təkcə Bakını deyil, Azərbaycanın digər bölgələrini də əhatə edəcək. Teatrımız bu layihə ilə Amerikalı investorların qarşısında çıxış edib, onları Azərbaycana həmin layihəyə cəlb etmək istəyir.Mükafata gəlincə, qısacası onu bildirmək istəyirəm ki, “Konqres mükafatı” yalnız gənclərə və hər hansı bir sahədə fəqlənən, yenilik edən şəxslərə təqdim olunur. Bu il həmin mükafat “Açıq dünya” proqramı çərçivəsində yalnız bir neçə şəxsə verilib. Sevindirici haldır ki, onların arasında “Əsa” Teatrının kollektivi də var. Bu konqresin yeganə mükafatıdır və Nihat Qulamzadəyə Mark Amodei tərəfindən şəxsən təqdim olunub.
Belə bir teatrın qısa zaman çərçivəsində necə ərsəyə gəlib uğur qazanması da Amerikada böyük maraq doğuran məsələ olub. Teatrın təsisçisi Nihad Qulamzadə tərəfindən Azərbaycanın ən böyük teatr səhnəsi Opera və Balet Teatrı səhnəsində oynanılan “Siçanlar və adamlar” tamaşamız barədə səslənən fikirlər Amerika nümayəndələri və qonaqlar tərəfindən maraqla dinlənilib.
Əlavə olaraq onu da qeyd etmək istərdim ki, hazırda “Əsa” Teatrının aktyorları yeni əsər üzərində məşq edirlər. Bu barədə yaxınlarda ətraflı açıqlama verəcəyik. Sadəcə olaraq, ilk olaraq sizin sayta məlumat vermək istərdim ki, bu dəfə yerli dramaturgiyanın şah əsərlərindən birinə müraciət etmişik”.

- Advertisement -

BIR CAVAB BURAXIN

şərhinizi daxil edin!
Buraya adınızı daxil edin

Read More

Ceyhun Dadaşov: “Mənim yaradıcılığımı əlimdən almaq mümkün deyil”

-Zəhmət olmasa, Özünüz haqqında qısa məlumat verin. -Ceyhun Dadaşov, 1983-cü ildə Sumqayıt şəhərində anadan olmuşam. Elə orada da orta məktəbi bitirmişəm. Demək olar ki, incəsənətin...

“Yaşa, yaşa Azərbaycan!”

Milli azadlıq hərəkatı tariximizi, onun öncüllərini, xüsusən Məhəmməd Əmin Rəsulzadəni düşündükcə, unudulmaz Mirzə Cəlilin xatiratında yazdığı “gözümü dünyaya açanda “Allahu Əkbər” nidasını eşitdim” sözləri...

Ceyhun Mirzəli – “Səbəbsiz üsyankarlıq”

Qırmızı rəng qanın rəngi olduğundan daim coşqunluğun, üsyankarlığın rəmzi sayılıb. İkinci dünya müharibəsi qurtarandan sonra Amerika gəncliyi fərqli bir həyatla üz-üzə qaldı. Valideynləriylə anlaşa...

Recent

Mədəniyyət Nazirliyində kadr islahatları

Prezident İlham Əliyev Mədəniyyət nazirinin müavinlərinin və nazirlik yanında Dövlət Xidmətinin rəisinin təyin olunması haqqında sərəncamlar imzalayıb. Dövlət başçısının iyunun 27-də imzaladığı sərəncamla Rafiq Yasin oğlu...

“Aləmin Nəfəsi: Nəsimi” tamaşası beynəlxalq festivalda

Türkiyədə keçirilən 14-cü Beynəlxalq Məktəblərarası Teatr Festivalında Azərbarbaycan  "Aləmin Nəfəsi: Nəsimi" tamaşası ilə təmsil olunacaq Kayseri Böyükşəhər Bələdiyyəsinin Mədəniyyət və İctimai işlər idarəsinin təşkilatçılığı ilə...

Dağlar Yusif – “Krotkiy”

“Polifonik tamaşa“ haqqında alabəzək resenziya Dostoyevski yazır "Krotkaya", yəni aciz, həlim, müti, məzlum qızcığaz, qadın. Emil Bakuvi qurur "Krotkiy" ("Aciz "), yəni aciz, həlim, müti, məzlum...