“ƏSA” Teatrı Naxçıvanda anşlaqla qarşılanıb

ƏSA Teatrı noyabrın 29-da Naxçıvan Muxtar Respublikasında qastrol səfərində olub. Cəlil Məmmədquluzadə adına Naxçıvan Dövlət Musiqili Dram Teatrında Amerika Birləşmiş Ştatlarının Azərbaycandakı səfirliyinin dəstəyi ilə Con Steynbekin eyniadlı əsərinin motivləri əsasında hazırlanmış“Adamlar və siçanlar” tamaşası nümayiş etdirilib. Tamaşa böyük anşlaqla keçib. Tamaşadan əvvəl çıxış edən Naxçıvan Muxtar Respublikasının Əmək və Əhalinin Sosial Müdafiəsi naziri Cavid Səfərov və ABŞ-ın ölkəmizdəki səfirliyinin Müvəqqəti İşlər Vəkili Uilyam Gil Naxçıvan şəhərində reallaşdırılan tamaşa üçün inklüziv ƏSA Teatrına öz təşəkkürlərini bildiriblər. ƏSA Teatrının təsisçisi və rəhbəri Nihad Qulamzadə teatrın yaranmasından və cəmiyyətdəki rolundan danışıb. Sonra tamaşa nümayiş etdirilib. Hər pərdəsi alqışlarla nümayiş olunan tamaşanı rəsmi şəxslərlə yanaşı, yerli mədəniyyət və incəsənət xadimləri, ziyalılar izləyiblər. Tamaşanın nümayişindən sonra ABŞ-ın ölkəmizdəki səfirliyinin Müvəqqəti İşlər Vəkili Uilyam Gil, Naxçıvan Muxtar Respublikasının Əmək və Əhalinin Sosial Müdafiəsi naziri Cavid Səfərov və Naxçıvan Muxtar Respublikasının Mədəniyyət naziri Natəvan Qədimova kulisdə teatrın yaradıcı heyəti ilə görüşüb, söhbət ediblər. Tamaşaçılar kulisə axışaraq, teatrın kollektivi ilə xatirə şəkilləri çəkdiriblər. Quruluşçu rejissoru Nihad Qulamzadə olan tamaşada rolları Elşən Əsgərov (Lenni) və Elvin Mirzəyev (Corc) ifa ediblər. Rolları Niyaz Qasımov (Kandi), Səmayə Ağayarova (Qız), İmran Lalayev (Slim), Günay Məmmədova (Klara xala), Fərid Əliyev (Karlson), Coşqun Məmmədov (Sahib), Asim Səfərov (Sahibin köməkçisi) ifa ediblər. Beləliklə, 2016-cı ildə əsası paytaxt Bakıda qoyulan ölkənin ilk və tək inklüziv teatrı olan ƏSA Teatrı ilk qastrol səfərini Naxçıvandan uğurla başlamaqla yaradıcı fəaliyyətində yeni mərhələyə başlayıb. ƏSA Teatrı bundan sonra ölkənin digər şəhər və bölgələrinə də səfər etməyi planlaşdırır.

- Advertisement -

BIR CAVAB BURAXIN

şərhinizi daxil edin!
Buraya adınızı daxil edin

Read More

“Yaşa, yaşa Azərbaycan!”

Milli azadlıq hərəkatı tariximizi, onun öncüllərini, xüsusən Məhəmməd Əmin Rəsulzadəni düşündükcə, unudulmaz Mirzə Cəlilin xatiratında yazdığı “gözümü dünyaya açanda “Allahu Əkbər” nidasını eşitdim” sözləri...

Cəfər Cabbarlının 120 illiyi ilə bağlı sərəncam

2019-cu ilin mart ayında Azərbaycan ədəbiyyatının görkəmli nümayəndəsi, böyük şair, yazıçı və dramaturq Cəfər Qafar oğlu Cabbarlının anadan olmasının 120 illiyi tamam...

Hamımız bir qədər Hamletik…

Azərbaycan Respublikası Prezidentinin 2009-cu il 18 may tarixli Sərəncamı ilə təsdiq edilmiş “Azərbaycan teatrı 2009-2019-cu illərdə” Dövlət Proqramı artıq başa çatmaq üzrədir. Proqramda digər məsələlərlə yanaşı,...

Recent

Məryəm Əlizadə – “Azadlıq və tolerantlıq mühiti Azərbaycan reallığında çoxdan kök salıbdır”

Əməkdar incəsənət xadimi, professor, teatrşünas Məryəm Əlizadə ilə müsahibə. - Məryəm xanım, bu yaxınlarda Sankt-Peterburqdan səfərdən qayıtmısınız. - Noyabr ayında Rusiyada VII Sankt-Peterburq Beynəlxalq Mədəniyyət Forumu...

Cavid Zeynallı – “Tanrı quşu gəlmədi”

(İki hissəli faciə)  İştirakçılar: Süleyman Mustafa Əfəndi Aynur Toğrul Ərəblinski  Bəxtiyar Barış Falçı Əlamət    Tam işıqlanmayan səhnə. Səhnədə piano, köhnə divan, şkaf, stol-stul var....

Akademik Milli Dram Teatrının növbəti uğuru – “Sinif yoldaşları”

Akademik Milli Dram Teatrında uğurla premyerası keçirilən “Sinif yoldaşları” tamaşası teatrsevərlərin böyük rəğbətini qazanıb. Mədəniyyət Nazirliyinin sifarişi ilə hazırlanan səhnə əsəri melodram janrındadır. Məşhur rus...