Əliqismət Lalayev beynəlxalq forumda iştirak edəcək

2018-ci il noyabr ayının 26-dan 30-dək Rusiya Federasiyasının Yekaterinburq şəhərində Sverdlovski Dövlət Akademik Musiqili Komediya Teatrının 85 illik yubileyi münasibətilə ”От практики k совершенству” (“Тəcrübədən kamilliyə”) adlı Musiqili Teatrların Beynəlxalq forumu keçiriləcək.

Dünyanın onlarla ölkəsinin teatr xadimlərinin iştirak edəcəyi bu forumda ölkəmizi Azərbaycan Dövlət Musiqili Teatrının direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev təmsil edəcək.

Sverdlovski Dövlət Akademik Musiqili Komediya Teatrının rəhbəri Mixail Vyaçeslavoviç Safranovun rəsmi dəvəti ilə tanınmış rejissor və teatr xadimi 2018-ci il noyabrın 25-dən dekabrın 1-dək  Yekaterinburq şəhərində səfərdə olacaq.

Bir çox beynəlxalq teatr və musiqili festivallarında, müsabiqələrdə münsiflər heyətində uğurla iştirak edən Əliqismət Lalayev forumda ”Azərbaycan Dövlət Musiqili Teatrının inkişaf mərhələləri” adlı məruzə ilə çıxış edəcək.

“Düşünürəm ki, bu dəvət forum təşkilatçıları tərəfindən Azərbaycan mədəniyyətinə, milli sərvətimiz olan teatrımıza yüksək etimadın, rəğbətin təzahürüdür. Təməl daşı dahi Üzeyir Hacıbəylinin ölməz əsərləri ilə qoyulan Musiqili Teatrın teatr tariximizdə özünəməxsus yeri var. Mənə verilən geniş fürsətdən yararlanaraq teatrımızın dünəni, bu günü və gələcək inkişafı, qarşıda duran layihələrimiz barədə forum iştirakçılarına geniş məlumat verəcəyəm. Qeyd edim ki, 5 gün davam edəcək tədbirdə hər günün öz xüsusi proqramı var. Forumun gündəliyində sərgilər, kitab təqdimatları, müxtəlif teatr görüşləri gözlənilir. Forum iştirakçılarını “Musiqili teatrda rejissor”, “Musiqili teatrda müəlliflər”, “Musiqili teatrda dirijor”, “Teatr sənətinin təhlili” mövzularında dəyirmi masalar, vokal artistlərinin, rejissor və xoreoqrafların ustad dərsləri, tamaşaların nümayişi də gözləyir. Belə görüşlərin ölkələrarası mədəni əməkdaşlığa öz töhfələrini verəcəyinə əminəm”- deyə Ə.Lalayev bildirib.

 

- Advertisement -

BIR CAVAB BURAXIN

şərhinizi daxil edin!
Buraya adınızı daxil edin

Read More

Sumqayıt teatrının aktyorunun vəziyyəti pisləşib

Bir müddət əvvəl qaraciyər sirrozu diaqnozu ilə Sumqayıtda xəstəxanaya yerləşdirilən tanınmış aktyor Yalçın Səlimovun vəziyyəti ağırlaşıb. ONA-nın yerli bürosuna açıqlamasında Y. Səlimov qarnına yığılan...

Ankara səhnəsi dünyaya “Güzgü” tutacaq

Bu il dördüncü dəfə keçiriləcək "Qısa Qaraj" (KısaGaraj) festivalında Azərbaycandan dramaturq Jalə İsmayıl iştirak edəcək. Festivalın təşkilatçısı Ankarada fəaliyyət göstərən "Tiyatro1112Garaj" hər il mayın...

Novruz Novruzlunun xatirə gecəsi keçiriləcək

Yanvar ayının 21-i saat 19:00 da Mahnı Teatrında Novruz Novruzlunun xatirəsinə həsr olunan "Dosta dost olan BABA" adlı xatirə gecəsi keçiriləcək. Tədbirdə tanınmış müğənnilər...

Recent

Xəyalə Rəis – Füzulinin dramatik “Leyli və Məcnun”u

Sentyabrın 22-də Gənc Tamaşaçılar Teatrı 91-ci mövsümü açıq elan etdi. Günorta – saat 14:00-da balaca tamaşaçılar üçün “Şirinlər”, saat 19:00-da isə dahi Azərbaycan şairi...

“Boy çiçəyi” tamaşası İlyas Əfəndiyevin 105 illik yubileyinə həsr olunub 

Azərbaycan Dövlət Akademik Milli Dram Teatrının səhnəsində Xalq yazıçısı İlyas Əfəndiyevin “Boy çiçəyi və ya sən həmişə mənimləsən” pyesi əsasında hazırlanan eyniadlı tamaşası nümayiş...

Tərlan Rəsulov – “Ortodoksal teatr tənbəl aktyor nəsli yetişdirir”

“Poliqon” teatr platformasının və dOM teatrının müəllifi Tərlan Rəsulovla müsahibə.  -Müasir teatrı necə görürsünüz?  -İlk növbədə, teatrı canlı görmək istəyirəm. Teatr adamları adətən deyirlər ki, kino...